Lieder und Gitarre / Percussion Events / Humorworkshops mit Hannes Urdl

Mai04

i steh jetz auf und sog euch guate nocht

i steh jetz auf und sog euch guate nocht

T.u.M: Hannes Urdl

1)
z´samm stehn und redn, schaun und zuahean - a bissl wos dazöhn
unglaublich is´s, womit die leute si oft söwa quöln
und gschichtn hean, die kroft gebn, die nohrung san fiad söl
a jeda zagt wos von sein himmel und va seiner höll.
leut, es woa so klass, mia hobn a guate zeit vabrocht.
i steh jetz auf und sog euch: guate nocht.
i steh jetz auf und sog euch: guate nocht.

2)
die wärme in den worten drin, des leuchtn in di augen
und wos ma uns fia schräge gschichtn aus di finger saugen
ma suacht si zu vaständigen, mit händ und mit di fiaß
so kostbor is di lebenszeit und wira kuss so siass.
i mog euch afoch - ihr mi a?
schen weit homas heit brocht.
i steh jetz auf und sog euch: guate nocht.
i steh jetz auf und sog euch: guate nocht.

bridge)
wos hätt des leben sunst fia an sinn
wenns net des stehn wär mittendrin
und des durchigehn mit oll dem, wos ma is
die sehnsucht nochn paradies
die treibt uns vorwärts; leider is
es net zu finden auf der wölt do, in kan land
ma entdeckt vielleicht a ausgstreckte hand
und kann probiern
daß ma´s worm hot miteinand.

3)
und singen zsammen, klopfen auf di glasln und am tisch
solang di kerzen brennen und i no dei hand dawisch
solang is zeit, des lebn zu feiern, grod so, wie´s holt is
so unverblümt und schrullig und so noh am paradies.
und dann no: i hob söwa lang scho net mehr so vü glocht
i steh jetz auf und wünsch euch: guate nocht.
i steh jetz auf und wünsch euch: guate nocht.

Mär11

Stan vom Strand

stan vom strand

T. & M: Hannes Urdl

weisser stan vom strand
du liegst guat in meiner hand
glotta stan vom strand
angenehm kühlst mei hand

da wind wullt durch di durchifohrn
wullt löcha in di einibohrn
er hot di obgschliffn in den vielen johrn
und deswegn bist holt jetz so woarn

weisser stan vom strand
grosser junger bruder vom sand
glotta stan vom strand
über menschen lern i allerhand - mit dir in der hand

a schwung, a linie, a zeichen drin
a winzigs eckal am rand is dahin
du host a schenes guates gwicht
und wenn i lang schau siach i a gsicht

weisser stan vom strand
i holt di in da hand
glotta stan vom meer
des wossa treibt von weit di her

des wossa ´s hot di gscheit poliert
hot hin und her di grissn ganz ungeniert
mit grosser wucht und mit weisser gischt
hots da so manches obagwischt.

du i drah di a poarmol
noch hinten und noch vorn
und mecht da sogn
schen bist worn
des mecht i da sogn
schen bist worn (Wh.)

Mär11

unter 1000 leit

unter 1000 leit erkenn i di

T. u. M.: Hannes Urdl

unter 1000 leit erkenn i di
an der zortheit deiner stimm
sie hüllt mi ein, wenn du mein namen sogst
dann is vieles für mi net mehr so schlimm.

unter 100 leit erkenn i di
an der feinheit deiner gstolt.
do kanns ruhig finster sein, i find di trotzdem,
mit dir wird i gern olt.

unter 50 leit erkenn i di
an deinem atem wenn du schlofst
er geht so gleichmäßig leicht.
gibt ma a idee, wie du dei leben schoffst.

a rehbock zieht übers feuchte moos
waldhonig fia di - fichtenharz fia mi
und ganz weit oben ziagn zwa bussard ihre kras.

unter 10 leit erkenn i di
an der weichheit deiner haut.
ganz kurz nur zuwigspiat
nix sonst im leben is ma so vertraut.

unter 5 leit erkenn i di
an der ort so wia du schweigst.
mit stiller ochtsamkeit
schaffst, daß´d so manchn gipfel dersteigst.

nur wenn ma 2 san, is´s manchmal schwer
di und mi auseinander z´kennen,
mir treibn so noh dahin, so endlos noh,
was kennt uns jemols trennen.

a rehbock zieht übers feuchte moos
waldhonig fia di - fichtenharz fia mi
und ganz weit oben ziagn zwa bussard ihre kras.

a rehbock zieht übers grüne moos
sekunden und johr sternenkloa
und ganz weit oben ziagn zwa bussard ihre kras.

  • sprache wählen

    • Player

      Mit dem Player hörst du Ausschnitte aus meiner neuen CD AFOCH SO. Viel Spaß dabei!
    • Newsletter

      Gib hier hier deine Emailadresse ein. So erhältst du Infos und Auftrittstermine von mir.
     
  • ...aus meinen liedern

    • ...du bist mir a sonnensiasse wolderdbeer a fallschirm von am löwenzahn afoch so - afoch so afoch so...
    • ...i sing, i sing, i sing meine lieder und meine lieder, die singen mi - si san ma so wie schwestern und wie briader - san a teil von mir und kumman iwa mi...
    • … und wenn dei nächsta schritt a guata is, dann tuan jo wenn dei nächsta schritt a guata is, du dann tuan i varot da an klanen trick ma gpsiat söwa an rechtn augenblick und wenn dei nächsta schritt a guata is, dann tuan ...
    • …a sinn, a sinn is wohl in ollem drin - in ollem drin, in ollem drin - wer kann scho jedesmol erklärn wo er dahintersteckt - wie ma´n entdeckt in ollem drin, in ollem drin…
    • ...mädel - du host no immer des 1er ticket ba mir so tiaf drin host mi angriaht des hot si fost so angspiat als spülat keith jarrett klavier...
    • ...olte freund - irgendwann seids ma ins herz grutscht - so wia ma ausrutscht auf´ m schnee - und jetzt wohnts bei mir in meiner herz-wg.
    • ...des ganze universum draht si sanft um mi herum - und i bin - a staubkerndl - owa genau mittendrin
    • ...beim tankstellnwärterhäusl san die fenstascheibn dahin - und in asphalt einitreten san gösserfloschnkapseln drin...
    • ...isabella, du fruchtig siasse traubn - mei kindheit steckt a bissl in dir drin - mei summa, mei hoffen und mei glauben - du bist die wüdeste fia mi va olle trauben - isabella...
    • ...olles geht - und olles geht vorbei - a frischer wind mocht vielleicht an neichen weg frei...
    • ...kind, kind du schlofst da welt entgegen - du, es wird schen werdn und manchesmol hort - und du wirst gehen auf tausenden von wegn - dei eigne spur ziagn auf dei eigne ort...
    • ...des pure leben - des pure leben blitzt aussa aus di ritzn va jedn deiner tog los as afoch kumman - los as bliahn behutsam wirds di fiahrn es holt di woch fias leben va deine tram ...
     
  • Hannes auf...