T. u. M.: Hannes Urdl

1)
wolkenschottn ziagn iwa di wiesn
a wechselspiel - ka rolln spüln
ka bühnenglanz
nur weiterziagn - du und i - weiterfliagn
1 und 1.

2)
di augen zua - und stüll genießen
nie zu wüd - des glos fülln
owa wenn, dann ganz
und weiterziagn - du und i - weiterfliagn
1 und 1.

ref 1)
unsre freiheit bricht heit aussa
aus die scholn von ihrem ei
do is bersten, do is wochsn,
do is wortn auf di zeit

do is zuhean und vastehn
und manchmal planlos weitergehn
im zerbrechen von dem ei
legt si freiheit söwa frei.

3)
wi ma schaun bleibt gleich - manch blicke owa kummen nie wieder
manchmal kühn
a windmühlnflügeltanz
und weiterziagn - du und i - weiterfliagn
1 und 1.

ref 2)
unsre freiheit bricht immer wieder aussa
aus die scholn von ihrem ei
und mir stelln uns oft di frog
wie bleibt unsre liebe frei.

ma steht do und wüll begreifen
owa begreift grod so vü:
vor manchen wundern stehend
is ma besser stüll.
vor manchen wundern stehend
do is ma besser stüll.

i steh jetz auf und sog euch guate nocht

T.u.M: Hannes Urdl

1)
z´samm stehn und redn, schaun und zuahean - a bissl wos dazöhn
unglaublich is´s, womit die leute si oft söwa quöln
und gschichtn hean, die kroft gebn, die nohrung san fiad söl
a jeda zagt wos von sein himmel und va seiner höll.
leut, es woa so klass, mia hobn a guate zeit vabrocht.
i steh jetz auf und sog euch: guate nocht.
i steh jetz auf und sog euch: guate nocht.

2)
die wärme in den worten drin, des leuchtn in di augen
und wos ma uns fia schräge gschichtn aus di finger saugen
ma suacht si zu vaständigen, mit händ und mit di fiaß
so kostbor is di lebenszeit und wira kuss so siass.
i mog euch afoch - ihr mi a?
schen weit homas heit brocht.
i steh jetz auf und sog euch: guate nocht.
i steh jetz auf und sog euch: guate nocht.

bridge)
wos hätt des leben sunst fia an sinn
wenns net des stehn wär mittendrin
und des durchigehn mit oll dem, wos ma is
die sehnsucht nochn paradies
die treibt uns vorwärts; leider is
es net zu finden auf der wölt do, in kan land
ma entdeckt vielleicht a ausgstreckte hand
und kann probiern
daß ma´s worm hot miteinand.

3)
und singen zsammen, klopfen auf di glasln und am tisch
solang di kerzen brennen und i no dei hand dawisch
solang is zeit, des lebn zu feiern, grod so, wie´s holt is
so unverblümt und schrullig und so noh am paradies.
und dann no: i hob söwa lang scho net mehr so vü glocht
i steh jetz auf und wünsch euch: guate nocht.
i steh jetz auf und wünsch euch: guate nocht.

di tog dazwischen

T. & M.: Hannes Urdl

nix großes vor heit - ka nervenkitzel
nur a batzerl himbermarmelad am messerspitzl
heit is a tog mit vü wortn und nix miassn
nur die blumen san zum aussi stelln, zum obstaubn, und a bissl giassn
und van frühstückstisch die bresln owawischen
des san di tog - san meine tog dazwischen

ka höhenflug - ka aufbegehren
ka riesenobsturz - und a gottseidank goa nix zum rean
die zeit schiebt si dahin, ols wär´s a raupn auf an ost
und im hintergrund laft der film zum buach: paradise lost
dort, wo horizont und himml si vamischn
dort liegn meine tog ummadum, zan aufklaubn, meine tog dazwischn

zwa drei sunnenstrohln - im zimmer drin
heit is a tog, wo i kann blossn schimma no hob wohin
iwas stüllsein driwa ziacht a hauch von gleichgültigkeit
wos wor gestern sicher, is morgen vielleicht - und wos is heit?
etliche leit gehen aufn berg - mancher geht fischen
und i geh durch meine tog - meine tog dazwischen
etliche leit gehen aufn berg - mancher geht fischen
und nur i geh durch meine tog
du i sog da des san meine tog dazwischen