schritt für schritt

T u. M.: Hannes Urdl

i geh schritt für schritt durch die zeit
fliag manchmal auffi und siach weit
viele herbstfarben, nebelschwaden,
autoschlangen, krane und betonfassaden
stadt und land und mond und stern
leben - i hob di so gern

vergangnes is scho so weit furt
die angst vorm wüden kerl i ort
naiver guater glauben an d´ leit
immer bescheiden sein und wegschaun, folsche freundlichkeit
des hot si ols von mir entfernt
leben - hob vü von dir glernt.

des ganze universum
draht si sanft um mi herum
und i bin
ganz genau mittendrin

so manche freundschaft, liebelei
is afoch ausglebt und vorbei
an a handvoll offner tor
hob i tiaf luft ghult, bin dran vorbei, wals so am besten wor
oh, wiri meine kinder gspia
und di mein fixstern ganz noh bei mir.

des ganze universum
draht si sanft um mi herum
und i bin
ganz genau mittendrin

wohin i dann letztendlich geh
in ferner zeit, des wiss ma eh
dazwischen liegt no ollerhand, feuerland
am feuer sitzen und singen miteinand
so manche insel, manches schloß
wort auf uns - kumm geh ma los.