isabella

T. u. M.: Hannes Urdl

a gogazn heast umma van oltn hianastoll
a klans liftal fohrt in die obstbamblattln eini auf amol
van ocker umma kaunst an steyrer diesel traktor hean
durch die lauben ziacht a zauberdurft va frische wolderdbeeren.

i woa ans va oll di kinder in da weinlaubn vam opapa
die gsichter völlig anpatzt, heast, des wor a schens trara
so samma gsessn vor die tölla
randvoll mit isabella
der trauben, so schön wira liebesgedicht.

isabella, du fruchtig siasse traubn,
mei kindheit steckt a bissl in dir drin
mei summa, mei hoffen und mei glauben
du bist die wüdeste fia mi
va olle trauben
isabella

wann du in mein mund zergehst, dann werdn gschichtn wohr
wie die vom kuss, der vom himml follt, direkt auf dei hoa
und die gschicht van oltn rübezahl
der aus an weinberg voller rebn
den bestn uhudler keltert hot
den´s jemols wo hot gebn

dei dei dei da…

iwaroll wo´s mi a hingwaht hot
woast du in mein gepäck
i hob die anpflanzt - du host wurzeln gschlogn
nur i bin immer wieder weg

wannst mi ruafst, dann klingt wos an in mir
a geheimnis va mein sein
des olt und jung zugleich is,
trauben, rosine und a wein.

isabella, du fruchtig siasse traubn,
mei kindheit steckt a bissl in dir drin
mei summa, mei hoffen und mei glauben
du bist die wüdeste fia mi
va olle trauben
isabella