i hob mei herz valorn an di

T. u. M.: Hannes Urdl

toge gehen und toge kumman
im wold is scho so grün
zwa libölln tuan iwan teich
mit sunnenstrohln obfangen spüln

a feuersalamander
vaziacht si elegant
hinter dunkle feuchte stickln holz
di ausschaun wie verbrannt

wohin di fiass mi a trogn werdn
des weri scho no segn
auf a lichtung, um an vogel z´hern
auf an bamstock um drauf zum stehn

tog fia tog - nocht fia nocht
do ziag i ummadum
i kennt net sogn mehr wos i suach
wi lang scho und warum

ref)

i hob mei herz valorn an di
i hob mei herz valorn an di
hob kurz net gschaut drauf
und jetz is es dahin

i hob mei herz valorn an di
mei anzigs herz valorn an di
pass guat drauf auf
mochs bessa als wiri.

die toge werdn jetz frischer
und nebl und vü regn
vahindern net daß i immer wieder
aussi muass und gehen

nix suachn und nix finden
da wold is seltsam stüll
i find nur beeren und schwammerln
und in mir a seltsams gfühl

ref)

i hob mei herz valorn an di
i hob mei herz valorn an di
hob kurz net gschaut drauf
und jetz is es dahin

i hob mei herz valorn an di
mei anzigs herz valorn an di
pass guat drauf auf
mochs bessa als wiri.