holt mi schatzl holt mi

T. u. M.: Hannes Urdl

1
vieles im leben kriag i ganz guat hin
und manches geht a bissl daneben
i hau mi ins zeug mit aller kroft
so wia des andre leit a leben.

nur mi söwa schau i seltn an
was jo eh scho ols von mir
aber es schaut so aus, daß i seltn was
wias ma wirklich geht und wos i gspia.

2
manchmal san so schroffe felsen in mia drin
in ana wüsten landschaft vateilt
nix zum trinken - nix zum futtern
daß si jedes lebewesen vakralt.

dann fühl i mi so wie a angschwemmts holz
wira kirschbam ohne blia.
bitte schatzl, kumm kumm kumm ganz her
und bleib afoch ba mir.

ref
holt mi schatzl holt mi
mei heferl zittert in da hand
du braucht nix sogn
du brauchst nix tuan
nur mia zwa nemanaund

holt mi schatzl holt mi
i was es geht wieder vorbei
nur leichter is und besser geht’s
bist du mit dein herz dabei.

3
i bind jetz grod mein rucksock auf
mit olte packerln drin
i nimm sie aussa und schau sie an
sie mochn soviel hin.

a jedes packerl des hot sein preis
sein gwicht und a sein grund.
I nimm jetz obschied - loß sie zruck
des is schwer oba a so gsund.

ref

4
morgen gemma zsammen durchn wold
hand in hand - mit leichtn gepäck
i siach uns zwa im sonnenlicht
und da große druck is weg.

owa heit - es geht scho besser
brauch i trotzdem no a bissl zeit
i gspia dei haund auf meiner liegn
und denk ma nur: ewigkeit.

ref