do is olles valossen

T. u. M.: Hannes Urdl

aus di bodenritzn aussa
wochsn distln und löwenzahn
da rost frisst oltes eisen
nur der lack bleibt zruck allan
er blattlt ob in 1000 stickl
vafliagt si mitn wind
bis a hinta olte
autoreifen vaschwind.

beim tankstellnwärterhäusl
san die fenstascheibn dahin
und in asphalt einitreten san
gösserfloschnkapseln drin
des wortn is die regel
goa nix geht do auf da stöll
va hintn ausm schuppen
riachts noch oltem motoröl.

jo do is olles valossn
und vafolln mit da zeit
und die allerletzte stroßn im hinterland
siacht fost kane leit. (wh.)

hin und wieder a auto
mit an oberkörper drin
drauf a gsicht - des schaut nur viri
is scho wieder dahin
aus an blechtaferl aussa
schaut a fesche frau mi an
sie frogt mi freindlich, ob i net
a pezzuckerl kaufen kann.

jo do is olles valossn
und vafolln mit da zeit
und die allerletzte stroßn im hinterland
siacht fost kane leit.

die zeit sie steht net stüll
sie is mehr und mehr zruckgwichen
hot si hamlich vatschüsst
hot si afoch leise gschlichen.
wo soll i auf di wortn
wo denn sonst,  wenn net do
du kommst a net woanders hin
du bleibst - du bleibst im nirgendwo.

jo do is olles valossn
und vafolln mit da zeit
und die allerletzte stroßn im hinterland
siacht fost kane leit. (wh.)