T.u.M: Hannes Urdl

Ref (2x):
schaut´s es is so
mir san a deswegn do
daß eich net so varennts
euch morgen no in spiegel schaun kennts

1)
minus 25 %
iwarol gleich obtrennt
is respektlos, mocht kan sinn
mocht existenzen afoch hin.

2)
ihr mochts windstärkn ocht
und schickts menschen in die nocht
di echt hilfe brauchn schickts irgendwohin
klasse vereine schickts in ruin.

3)
olles iwan gleichn kamm gschert
is leider ganz vakehrt
wo bleibt des augenmos
verantwortung - steirerherz, wos is los?

Ref (2x):
schaut´s es is so
mir san a deswegn do
daß eich net so varennts
euch morgen no in spiegel schaun kennts

4)
ihr seids bereit
zum sporen is jetz di zeit
mia finden des ok
teures packeln is jetzt passe

5)
parteiorganisationen
und beroter super entlohnen
geld saugen wie mit an rüssel
andre freund schick ma noch brüssl

6)
des is wirklich vü zu teuer
do brennt scho lang am doch des feuer
und jetzt solln de dafür zohln
di nur a stinknormales leben leben wolln.

Ref (2x):
schaut´s es is so
mir san a deswegn do
daß eich net so varennts
euch morgen no in spiegel schaun kennts

7)
des ganz schwer hobn, bleibn allan
do bleibt ka stan am andern stan
ihr sehts no net des dicke end
va minus 25 %.
ihr sehts no net des dicke end
va minus 25 %.
ihr sehts no net des dicke end
va minus 25 %.

im vollen mond

T. u. M.: Hannes Urdl

di luft is kolt - hintn stehn a poa bam
die greifen wia mit finger den nochthimmel an
im vollen mond - völlig allan
da schnee glänzt wira spiegel und im mondlicht bin i daham.

es knirscht a jeda schritt im schnee
es tuat so guat - afoch gehn und gehn
im vollen mond - völlig allan
da schnee is mei spiegel und im mondlicht bin i daham.

den alltagskram von am ganzen tog
den leg i afoch aus so wiris gern mog
im vollen mond - völlig allan
da schnee is mei spiegel und im mondlicht bin i daham.

Da schnee is mei Bruder und da Mond mei schwesta
seit i des was - is mein schritt a bissl festa
im vollen mond - völlig allan
da schnee is mei spiegel und im mondlicht bin i daham.

Solo

Vertrau afoch daß´ s guat weitergeht
das leben packt die sowieso - obst wülst oda net.
im vollen mond - völlig allan
da schnee is wira spiegel und im mondlicht bin i daham.

Und bleib ruhig stehn an augenblick
weil zur rechten zeit kommt da rechte Kick.
im vollen mond - völlig allan
da schnee is a spiegel und im mondlicht samma daham.

und wenns dann sein soll greif noch die stern
de wortn eh scho länger drauf und mögn des gern.
im vollen mond - völlig allan
da schnee is mei spiegel und im mondlicht bin i daham.

es wird frühling

T. u. M.: Hannes Urdl

die jungen herrn mit zwa meter in da läng
gehen mit die jungen mädeln jetz besonders eng
die störche kumman zruck und a die spinnen und die fliegen
in da brust drin do merk i - es mocht wos auf
do gspiari a ganz a leichtes ziagn.

vor zwa wochn no woa´s gehen im freien a rutschpartie
jetzt her is freundlich plaudern, s´ olte muatterl va vis a vis.
es wird frühling und wennsd´ aufwochst in da fruah dann is scho hell
und i denk ma - es wird frühling, owa irgendwie
geht ma heuer olles z´ schnö.

des gros vom vorjohr vaströmt sein moderduft
iwarol wo´s d a hinschaust liegn staub und hoffnung in da luft
des angenehme kribbeln auf da haut is kaum zan glauben
die Natur reckt und streckt si - si kummt in soft
reibt si vaschlofn di augn.

in der nocht - a wenns kloa is, beisst di költn net mehr
und die radln, die pump ma auf und hul ma ausn schuppen her
du es wird frühling und i denk ma, guat: a johr wieda im kras
kann ma bittschen ana sogn: es wird frühling
frühling wird’s und er wird klass?

jo es is frühling - heast schau di afoch um
jo es is frühling - gspia die wärme va da sunn
nur: i fühl mi wira schworze tastn ohne ihr klavier
frühling spüt si ummadum ob - oba leider net in mir.

jo es is frühling - du schau di afoch um
jo es is frühling - gspia die wärme va da sunn
kann des bittschen irgendwer laut aussischrein, so daß i´s a hear
es wird frühling und goa nix - goa nix is schwer
nua i fühl mi wira schworze tastn ohne ihr klavier
frühling spüt si ummadum ob - oba leider net in mir.
frühling spüt si ummadum ob - oba leider net in mir.