Lieder und Gitarre / Percussion Events / Humorworkshops mit Hannes Urdl

Archive März, 2010

Mär12

di tog dazwischen

di tog dazwischen

T. & M.: Hannes Urdl

nix großes vor heit - ka nervenkitzel
nur a batzerl himbermarmelad am messerspitzl
heit is a tog mit vü wortn und nix miassn
nur die blumen san zum aussi stelln, zum obstaubn, und a bissl giassn
und van frühstückstisch die bresln owawischen
des san di tog - san meine tog dazwischen

ka höhenflug - ka aufbegehren
ka riesenobsturz - und a gottseidank goa nix zum rean
die zeit schiebt si dahin, ols wär´s a raupn auf an ost
und im hintergrund laft der film zum buach: paradise lost
dort, wo horizont und himml si vamischn
dort liegn meine tog ummadum, zan aufklaubn, meine tog dazwischn

zwa drei sunnenstrohln - im zimmer drin
heit is a tog, wo i kann blossn schimma no hob wohin
iwas stüllsein driwa ziacht a hauch von gleichgültigkeit
wos wor gestern sicher, is morgen vielleicht - und wos is heit?
etliche leit gehen aufn berg - mancher geht fischen
und i geh durch meine tog - meine tog dazwischen
etliche leit gehen aufn berg - mancher geht fischen
und nur i geh durch meine tog
du i sog da des san meine tog dazwischen

Mär12

im vollen mond

im vollen mond

T. u. M.: Hannes Urdl

di luft is kolt - hintn stehn a poa bam
die greifen wia mit finger den nochthimmel an
im vollen mond - völlig allan
da schnee glänzt wira spiegel und im mondlicht bin i daham.

es knirscht a jeda schritt im schnee
es tuat so guat - afoch gehn und gehn
im vollen mond - völlig allan
da schnee is mei spiegel und im mondlicht bin i daham.

den alltagskram von am ganzen tog
den leg i afoch aus so wiris gern mog
im vollen mond - völlig allan
da schnee is mei spiegel und im mondlicht bin i daham.

Da schnee is mei Bruder und da Mond mei schwesta
seit i des was - is mein schritt a bissl festa
im vollen mond - völlig allan
da schnee is mei spiegel und im mondlicht bin i daham.

Solo

Vertrau afoch daß´ s guat weitergeht
das leben packt die sowieso - obst wülst oda net.
im vollen mond - völlig allan
da schnee is wira spiegel und im mondlicht bin i daham.

Und bleib ruhig stehn an augenblick
weil zur rechten zeit kommt da rechte Kick.
im vollen mond - völlig allan
da schnee is a spiegel und im mondlicht samma daham.

und wenns dann sein soll greif noch die stern
de wortn eh scho länger drauf und mögn des gern.
im vollen mond - völlig allan
da schnee is mei spiegel und im mondlicht bin i daham.

Mär11

Stan vom Strand

stan vom strand

T. & M: Hannes Urdl

weisser stan vom strand
du liegst guat in meiner hand
glotta stan vom strand
angenehm kühlst mei hand

da wind wullt durch di durchifohrn
wullt löcha in di einibohrn
er hot di obgschliffn in den vielen johrn
und deswegn bist holt jetz so woarn

weisser stan vom strand
grosser junger bruder vom sand
glotta stan vom strand
über menschen lern i allerhand - mit dir in der hand

a schwung, a linie, a zeichen drin
a winzigs eckal am rand is dahin
du host a schenes guates gwicht
und wenn i lang schau siach i a gsicht

weisser stan vom strand
i holt di in da hand
glotta stan vom meer
des wossa treibt von weit di her

des wossa ´s hot di gscheit poliert
hot hin und her di grissn ganz ungeniert
mit grosser wucht und mit weisser gischt
hots da so manches obagwischt.

du i drah di a poarmol
noch hinten und noch vorn
und mecht da sogn
schen bist worn
des mecht i da sogn
schen bist worn (Wh.)

  • sprache wählen

    • Player

      Mit dem Player hörst du Ausschnitte aus meiner neuen CD AFOCH SO. Viel Spaß dabei!
    • Newsletter

      Gib hier hier deine Emailadresse ein. So erhältst du Infos und Auftrittstermine von mir.
     
  • ...aus meinen liedern

    • ...du bist mir a sonnensiasse wolderdbeer a fallschirm von am löwenzahn afoch so - afoch so afoch so...
    • ...i sing, i sing, i sing meine lieder und meine lieder, die singen mi - si san ma so wie schwestern und wie briader - san a teil von mir und kumman iwa mi...
    • … und wenn dei nächsta schritt a guata is, dann tuan jo wenn dei nächsta schritt a guata is, du dann tuan i varot da an klanen trick ma gpsiat söwa an rechtn augenblick und wenn dei nächsta schritt a guata is, dann tuan ...
    • …a sinn, a sinn is wohl in ollem drin - in ollem drin, in ollem drin - wer kann scho jedesmol erklärn wo er dahintersteckt - wie ma´n entdeckt in ollem drin, in ollem drin…
    • ...mädel - du host no immer des 1er ticket ba mir so tiaf drin host mi angriaht des hot si fost so angspiat als spülat keith jarrett klavier...
    • ...olte freund - irgendwann seids ma ins herz grutscht - so wia ma ausrutscht auf´ m schnee - und jetzt wohnts bei mir in meiner herz-wg.
    • ...des ganze universum draht si sanft um mi herum - und i bin - a staubkerndl - owa genau mittendrin
    • ...beim tankstellnwärterhäusl san die fenstascheibn dahin - und in asphalt einitreten san gösserfloschnkapseln drin...
    • ...isabella, du fruchtig siasse traubn - mei kindheit steckt a bissl in dir drin - mei summa, mei hoffen und mei glauben - du bist die wüdeste fia mi va olle trauben - isabella...
    • ...olles geht - und olles geht vorbei - a frischer wind mocht vielleicht an neichen weg frei...
    • ...kind, kind du schlofst da welt entgegen - du, es wird schen werdn und manchesmol hort - und du wirst gehen auf tausenden von wegn - dei eigne spur ziagn auf dei eigne ort...
    • ...des pure leben - des pure leben blitzt aussa aus di ritzn va jedn deiner tog los as afoch kumman - los as bliahn behutsam wirds di fiahrn es holt di woch fias leben va deine tram ...
     
  • Hannes auf...