Lieder und Gitarre / Percussion Events / Humorworkshops mit Hannes Urdl

Archive Januar, 2010

Jan29

es wird frühling

es wird frühling

T. u. M.: Hannes Urdl

die jungen herrn mit zwa meter in da läng
gehen mit die jungen mädeln jetz besonders eng
die störche kumman zruck und a die spinnen und die fliegen
in da brust drin do merk i - es mocht wos auf
do gspiari a ganz a leichtes ziagn.

vor zwa wochn no woa´s gehen im freien a rutschpartie
jetzt her is freundlich plaudern, s´ olte muatterl va vis a vis.
es wird frühling und wennsd´ aufwochst in da fruah dann is scho hell
und i denk ma - es wird frühling, owa irgendwie
geht ma heuer olles z´ schnö.

des gros vom vorjohr vaströmt sein moderduft
iwarol wo´s d a hinschaust liegn staub und hoffnung in da luft
des angenehme kribbeln auf da haut is kaum zan glauben
die Natur reckt und streckt si - si kummt in soft
reibt si vaschlofn di augn.

in der nocht - a wenns kloa is, beisst di költn net mehr
und die radln, die pump ma auf und hul ma ausn schuppen her
du es wird frühling und i denk ma, guat: a johr wieda im kras
kann ma bittschen ana sogn: es wird frühling
frühling wird’s und er wird klass?

jo es is frühling - heast schau di afoch um
jo es is frühling - gspia die wärme va da sunn
nur: i fühl mi wira schworze tastn ohne ihr klavier
frühling spüt si ummadum ob - oba leider net in mir.

jo es is frühling - du schau di afoch um
jo es is frühling - gspia die wärme va da sunn
kann des bittschen irgendwer laut aussischrein, so daß i´s a hear
es wird frühling und goa nix - goa nix is schwer
nua i fühl mi wira schworze tastn ohne ihr klavier
frühling spüt si ummadum ob - oba leider net in mir.
frühling spüt si ummadum ob - oba leider net in mir.

Jan29

des pure leben

des pure leben

T. u. M.: Hannes Urdl

(ref) des pure leben - dei pures leben
es blitzt aussa aus di ritzn va jedn tog
los as kumman - los as ziagn
ganz behutsam wird’s di fiahrn
es mocht di woch fias leben va deine tram (Wh.)

woch fias leben va deine tram
die schlummern sunst in dir muttersöllnallan

dauernd wü wer wos va dir
du kommst net auf mehr in da friah
dei welt wird enger und klaner
und vor dir lauter fölsn und stana
ols sull im eilzugstempo gmocht werdn
ols wird durchzogn
nua net schwoch werdn

du kumm aussa aus den druck
und zu dir söwa zruck - schau auf di

(ref) des pure leben - dei pures leben
es blitzt aussa aus di ritzn va jedn tog
los as kumman - los as ziagn
ganz behutsam wird’s di fiahrn
es mocht di woch fias leben va deine tram (Wh.)

probleme kriagn vü zu vü gwicht
und leichtigkeit is net in sicht
du wasst, du sullst da mehr zeit gebn
fia des, wos da guat tuat im leben
ols wird schnölla auf der welt,
oder bist du ´s söwa
der si so quält?

moch da olls so wia du´s brauchst
bevors d´ vabrennst und varauchst

schau (ref) …

Jan29

mei gitarren d

mei gitarren d

T. u. M.: Hannes Urdl

intro

mei gitarren d

wann i geh
wann i geh
wanni meine letzten handvoll meter vor mir seh
mecht i di hean
mecht i di hean
innen klingen so wias leuchten von am weit entfernten stern
des mi aussi fiat aus mi
und driwa aussi iwa mi
des hätt i gern
des wär ok
bis mi vawaht hot bis zum allerletzten hauch aner idee
mecht i di hean
des wär ok
mei gitarren d

solo

mei gitarren d
mei gitarren d

  • sprache wählen

    • Player

      Mit dem Player hörst du Ausschnitte aus meiner neuen CD AFOCH SO. Viel Spaß dabei!
    • Newsletter

      Gib hier hier deine Emailadresse ein. So erhältst du Infos und Auftrittstermine von mir.
     
  • ...aus meinen liedern

    • ...du bist mir a sonnensiasse wolderdbeer a fallschirm von am löwenzahn afoch so - afoch so afoch so...
    • ...i sing, i sing, i sing meine lieder und meine lieder, die singen mi - si san ma so wie schwestern und wie briader - san a teil von mir und kumman iwa mi...
    • … und wenn dei nächsta schritt a guata is, dann tuan jo wenn dei nächsta schritt a guata is, du dann tuan i varot da an klanen trick ma gpsiat söwa an rechtn augenblick und wenn dei nächsta schritt a guata is, dann tuan ...
    • …a sinn, a sinn is wohl in ollem drin - in ollem drin, in ollem drin - wer kann scho jedesmol erklärn wo er dahintersteckt - wie ma´n entdeckt in ollem drin, in ollem drin…
    • ...mädel - du host no immer des 1er ticket ba mir so tiaf drin host mi angriaht des hot si fost so angspiat als spülat keith jarrett klavier...
    • ...olte freund - irgendwann seids ma ins herz grutscht - so wia ma ausrutscht auf´ m schnee - und jetzt wohnts bei mir in meiner herz-wg.
    • ...des ganze universum draht si sanft um mi herum - und i bin - a staubkerndl - owa genau mittendrin
    • ...beim tankstellnwärterhäusl san die fenstascheibn dahin - und in asphalt einitreten san gösserfloschnkapseln drin...
    • ...isabella, du fruchtig siasse traubn - mei kindheit steckt a bissl in dir drin - mei summa, mei hoffen und mei glauben - du bist die wüdeste fia mi va olle trauben - isabella...
    • ...olles geht - und olles geht vorbei - a frischer wind mocht vielleicht an neichen weg frei...
    • ...kind, kind du schlofst da welt entgegen - du, es wird schen werdn und manchesmol hort - und du wirst gehen auf tausenden von wegn - dei eigne spur ziagn auf dei eigne ort...
    • ...des pure leben - des pure leben blitzt aussa aus di ritzn va jedn deiner tog los as afoch kumman - los as bliahn behutsam wirds di fiahrn es holt di woch fias leben va deine tram ...
     
  • Hannes auf...